Поп-пејачот Тоше Проески и изведувачот на народна музика, Џеј Рамадановски оставија траен белег на музичката сцена – секој во својот музички правец. Нивните обожаватели сѐ уште го чуваат споменот за сѐ она што Тоше и Џеј го оставија зад себе, па токму затоа тие повторно се присетија на една нивна заедничка изведба.

Имено, Тоше и Џеј гостувале во емисијата „Браво шоу“ пред 14 години, каде заедно ја извеле прекрасната „Зајди зајди“, дело на легендарниот Александар Сариевски. Како што може да се види на снимката, сите во студиото биле воодушевени од емотивната интерпретација.

Во една прилика, Џеј изјавил дека Тоше Проески бил вистински професионалец.

„Искрено, синоќа пуштив солза! Бев на пат, а момчето што ме возеше го пушти малиот Тоше со ‘Зајди, зајди’. И навистина ми дојдоа солзи. Со Тоше седев во ресторан и пиев виски со мраз. А тој ме гледа и ми вели: ‘Чичко Џеј, јас ти се восхитувам, пиеш виски со мраз и имаш испушено толку многу цигари што воопшто не разбирам како пееш’. Реков: ‘Па, синко, добро е што имам засипнат глас’. Беше вистински професионалец“, раскажал Џеј во таа прилика.

Тоше Проески загина на 16 октомври 2007 во трагична сообраќајна несреќа кај местото Нова Градишка во Република Хрватска, на возраст од 26 години, а Џеј почина на 56-годишна возраст, на 6 декември 2020 година, поради срцеви заболувања.

Засекогаш ќе живее во нашите срца: Тоше, те сакаме!