Морничава симулација е објавена токму на време на сезонските алергии и ги прикажува последиците што ги имала една Британка по едно силно кивање.

Многумина биле шокирани од опишаните повреди, поради кои била прикована за кревет во следните две години, објавува „Ледбајбл“.

Компјутерската симулација, чиј автор е „Zack D Films“, покажува како Викторија сериозно го повредила дискот по кивањето во 2007 година. Во исто време, нервот се заглавил меѓу два пршлени на ‘рбетот, па таа била парализирана.

„Откако кивнав, почувствував ужасна болка. Не можев да станам од каучот и едвај ги чувствував рацете и нозете“, рекла таа во тоа време.

Викторија имала три одделни операции и поминала две години во кревет, трпејќи болка. Консумирала толку многу лекови што почнала да халуцинира.

Конечно, лекарите поставиле пластичен додаток околу ‘рбетот, ублажувајќи го притисокот врз нервот, и по бројни терапии, таа била пуштена дома. Набрзо таа почнала да оди.

Гледачите го споделиле својот ужас во коментарите, а откако повредите биле објаснети. Еден напиша: „Овие симулации секогаш ме плашат“, а друг додаде: „Низ каква тортура поминала оваа жена“. Третиот му се обратил на авторот на симулацијата: „Кивањето го направи 100 пати пострашно. Ти благодарам“. Четвртиот заклучил: „Се отклучи нов страв – кивање“.

A Sneeze That Shattered Her Spine 😨 pic.twitter.com/Qy1l9nHFNZ

— Zack D. Films (@zackdfilms1) May 26, 2025