Кејт Мидлтон полека се враќа на кралските должности по тешката дијагноза и превентивната хемотерапија. Доказ за тоа е емотивниот говор кој таа го одржа на Бадник на традиционалниот божиќен концерт. Таа ги покани луѓето да забават, да размислуваат за подлабоките работи што ги поврзуваат и да се свртат кон љубовта.

„Божиќните празници се еден од моите омилени периоди во годината. Време е за подароци, сијалички и колачиња, но време е и да се забави и да размислиме за подлабоките работи што не поврзуваат сите“, го започнала својот говор принцезата, пишува „Дејли мејл“.

„Тогаш треба да застанеме и да се оддалечиме од притисоците на секојдневниот живот за да најдеме простор да ги живееме нашите животи со отворено срце, со љубов, добрина и простување, што всушност го претставува божиќниот дух“, додаде таа.

„Божиќната приказна нè поттикнува да размислуваме за искуството и чувствата на другите. Тоа, исто така, ги одразува нашите сопствени ранливости и нè потсетува на важноста да даваме и примаме емпатија, и на тоа колку си требаме еден на друг и покрај нашите разлики. Пред сè, нè поттикнува да се свртиме кон љубовта, а не кон стравот“, изјави Кејт.

„Љубовта што ја покажуваме кон себе и љубовта што ја покажуваме кон другите. Љубов што слуша со емпатија, љубов која е љубезна и разбирлива, љубов која простува и љубов која носи радост и надеж. Љубовта е најголемиот подарок што можеме да го добиеме, не само на Божиќ, туку секој ден во нашите животи“, заклучи таа.