Американската раперка Карди Би јасно го изрази своето незадоволство од резултатите на претседателските избори во САД. Музичарката остро ги критикуваше поддржувачите на Доналд Трамп.

Карди Б не го криеше разочарувањето. Таа се огласи на социјалните мрежи за да им се обрати на своите фанови, изразувајќи ја својата гордост за Камала Харис, пред да ги нападне поддржувачите на Трамп кои се појавија во нејзините коментари, пишува „Дејли мејл“.

„Карди, ни требаш на инаугурацијата на Трамп“, напиша една корисничка и ја собори раперката од нозе. “Се колнам во Бога дека ќе нае..те, подалеку од мене! Ми се гади од вас! Запалете си ги ебаните капи. Навистина сум тажна. Се колнам во Бога дека сум навистина тажна.” – изјавила видно изнервираната пејачка.

Таа, исто така, зборуваше за нејзината „љубов кон Харис“, велејќи им на следбениците: „Без разлика на сѐ, знам дека таа е веројатно премногу емотивна во моментов. Знам дека веројатно има многу работи во нејзината глава и знам дека не го слуша ова, но на крајот можеби ќе го види ова видео, само се надевам дека знае дека без разлика што ќе се случи вечерва, афроамериканките се горди на неа, знам како се чувствував на почетокот на годината, не сакав да гласам за никого. Се премислив, чувствувам дека таа беше многу искрена и ги кажа работите што сакав да ги слушнам“.

Карди Б им се придружи на славните личности кои ја поддржаа Камала Харис на изборите. Меѓу нив беа Опра Винфри, раперот Еминем, пејачката Тејлор Свифт со нејзиното момче, Тревис Келче, поп-кралицата Мадона и актерите Леонардо ди Каприо, Ен Хатавеј и Џулија Робертс.