Британската манекенка Кара Делевињ доживеа прилично непријатна ситуација на Неделата на модата во Париз каде што не ја препознаа кога пристигна на модната ревија, па мораше да чека во ред, што предизвика да го изгуби трпението, пишува „Дејли мејл“.

British celebrity Cara Delevingne appears furious after she is forced to wait in line at Paris Fashion Week after the show staff failed to recognize her.

The model appeared upset as she pushed through the line before saying “Ok I’m just going to walk in, it’s getting crazy.” pic.twitter.com/E3NyyVdqda

— Oli London (@OliLondonTV) October 2, 2025

Делевињ пристигна на модната ревија на Стела Мекартни, и по пристигнувањето, ја пречека ред за да влезе. Додека редарите ги скенираа QR кодовите на присутните за да влезат на ревијата, Кара се обидуваше да се „пробие“ напред.

Се сврте кон жената задолжена за влегување и нетрпеливо рече: „Ќе влезам, ова станува лудо.“

Вработената на почетокот не ја препознала, па Кара морала да застане со другите и да ѝ го покаже QR-кодот, што ја направило сè понервозна. На крајот, Кара ги крена очилата за сонце па конечно жената ја препозна и ѝ дозволи да влезе на настанот.

Снимката од моментот стана вирална на социјалните мрежи, а само една од снимките на Твитер привлече милион прегледи.

Претходно, Делевињ беше една од ѕвездите на модната ревија на Лореал на Неделата на модата во Париз, облечена во црн проѕирен чипкан фустан.

Таа неодамна привлече внимание со своето појавување на црвениот тепих на Канскиот филмски фестивал, кога значително го промени својот имиџ и ја замени русата коса со црна коса со кратки шишки.