На социјалните мрежи се појави снимка од стотици црни птици снимени како паѓаат од небото во северниот мексикански град Куахтемок. Повеќето од нив биле мртви, пишува Гардијан. Причината за смртта на големиот број птици останува нејасна.

Снимката од безбедносната камера покажува јато птици преселници како се спуштаат кон куќите како облак од црн чад. Повеќето птици успеваат да одлетаат, но последователните снимки ги покажуваат труповите на птиците расфрлани по улиците на градот.

WARNING: GRAPHIC CONTENT

Security footage shows a flock of yellow-headed blackbirds drop dead in the northern Mexican state of Chihuahua pic.twitter.com/mR4Zhh979K

— Reuters (@Reuters) February 14, 2022

Инцидентот се случил на 7 февруари, според локалните извештаи. Птиците имаат тенденција да се размножуваат подалеку на север, во САД и Канада, и мигрираат на југ за зима во Мексико.

Според локалниот весник El Heraldo de Chihuahua, кој прв ја објави приказната, еден мексикански ветеринар сугерира дека вината за инцидентот може да лежи во високите нивоа на загадување, во главно поради грејната сезона, агрохемикалиите и студеното време во областа. Друг предлог бил дека птиците биле погодени од струен удар додека одмарале на далноводите.