Ракометниот натпревар од Првата лига од Б групата (второ по ранг натпреварување) помеѓу Радовиш и Партизан Гевгелија го привлече вниманието на македонската ракометна јавност.R

Имено, овој натпревар ќе се памети по големиот број постигнати голови. Средбата заврши со резултат 56:36. Така во 60 минути двете екипи успеаа да постигнат дури 92 гола што е навистина многу.

Нема официјална информација, но ова многу веројатно може да е ракометниот натпревар со најмногу постигнати гола одигран во Македонија.

Зоран Стојановски и Иванче Ончев постигнаа по 10 за радовиш, додека Васил Зајков и Ѓорѓе Банцалиски со 14, односно 10 беа најефикасни во составот од Гевгелија.