Фудбалерите на Кадиз ја отворија сезоната во „Ла Лига“ со победа на домашен терен против Алавес со резултат 1:0.

Единствениот гол на натпреварот беше реализиран во седмата минута, а стрелец беше Сан Еметерио.

Слободен удар за Кадиз изведе Хави Хернандез кој испрати одличен центаршут, а Феде Сан Еметерио добро го следеше и ја испрати топката во противничката мрежа.

Домаќините пред крајот на мечот останаа со еден играч помалку во 88 минута кога директен црвен картон доби Ескаланте.

Во второто коло од шпанскиот шампион Кадиз ќе гостува кај Барселона, додека Алавес ќе ја пречека Севиља.