Музичарот Сеид Мемиќ Вајта (72) со песната „Лејла“ ја претставуваше во 1981 година поранешна Југославија на Евровизија. Придружните вокали му ги пееја Неда Украден, Исмета Дервоз и Јадранка Стојаковиќ. По него, со песна со истиот назив, на истата сцена во 2006 година дојде и Хари Варешановиќ.

Во неговиот опус се и песните „Превари ме срце мое“, „Азра“, „Златна рипка“, но Вајта последните неколку години е во пензија. Иако плаќал придонеси 40 години, пензијата што ја доби изнесува околу 172 евра, изјавил претходно.

„Златна рипка“ е од 1979 година со која Вајта ги покори сите топ-листи. И не само со неа. Пејачот ниту денес не знае колку хитови имал.

Вајта рекол дека не се оптоварува со малата пензија. Тој патува низ светот и одвреме-навреме е во различен град.

– Со сопругата живееме скромно и задоволни сме од тоа што го имаме. Секако дека би било добро да се покачат пензиите, но тоа е тоа! – рекол тогаш пејачот.

Денес пее само за себе и за друштвото. Живее на релација Пула-Хамбург, каде што живее и работи неговата сопруга Војка.

– Замислете да снимам песни во земја која е трета по сиромаштија во светот. Не можам и немам волја. Кога гледам дека избираме сѐ по националност, ми се гади. Имам и премногу песни и мојот опус е единствен во таа галерија на БиХ и на југословенската поп и рок музика – рекол тогаш Вајта.

Вајта, со својот уникатен глас, и денес со задоволство слушаат, а последниве години ретко се појавува во јавноста.

Поранешниот член на групата „Тешка индустрија“ последен пат е виден на крајот на минатата година на снимањето на новогодишната програма на една телевизија во Сараево, а неговите бројни обожаватели често се прашуваат каде Вајта ги поминува деновите. Познатиот пејач по потекло од Травник, а деновите ги поминува во Хрватска, поточно во Пула, каде има стан. Редовно го посетува и својот роден град. Во Пула често го посетуваат и колегите.

Вајта се пензионирал како слободен уметник со 45 години стаж и на 65-годишна возраст.