Кошаркарите на Денвер ја прекинаа низата од четири порази во НБА лигата. Во борбата за плејоф, Нагетси ја совладаа екипата на Сакраменто на гости со 124:116.

Еден од најзаслужните за победата на Денвер беше српскиот репрезентативец Никола Јокиќ кој за 37:42 минути на паркетот имаше дабл-дабл учинок од 20 поени, 12 скокови и 11 асистенции.

Поефикасни од Јокиќ на овој меч беа Кристиан Браун со 25 поен, и Арон Гордон и Мајкл Портер Џуниор со по 21 поен.

Прв стрелец во редовите на Кингси беше Зек ЛеВин со 27 поени, следен од ДеМар ДеРозан со 22.

Денвер моментно е на четвртото место во Западната конференција (48-32), додека Сакраменто е на деветтата позиција (39-41).