Кошаркарите на Денвер нагетс ја совладаа Атланта со 133:115, а нова добра партија одигра Никола Јокиќ. Центарот на теренот помина само 26 минути, но и тоа му беше доволно да запише дабл-дабл од 20 поени и 10 скокови. Јокиќ голема помош имаше во Бонс Хиланд кој даде 24 поени, Монте Морис кој даде 21 и Џеф Грин кој постигна 20 поени.
Кај Атланта, прво име беше Тре Јанг со 34 поени но со слаб процент на реализација (шут 12/27 и 1/6 за три поени).

Стеф Кари му донесе нова победа на Голден Стејт, овој пат од 111:107 над Бостон селтикс. Кари постигна 30 поени, додека Ендрју Вигинс постигна 27 поени. Ова воедно беше 400 победа за Стив Кер на клупата на Голден Стејт.

Јута ја прекина серијата од осум победи по ред откако на домашен терен загуби од Сан Антонио спарс со 128:126. Келдон Џонсон со 24 и Дерик Вајт со 22 поени го предводеа Сан Антонио, додека кај Јута најдобар беше Донован Мичел со 27 поени.

Портланд треилблејзерс го совлада Шарлот со 125:116 во натпревар на кој блескаше Демиен Лилард со постигнати 43 поени.
Ова беше негов 40 натпревар во кариерата на кој постигнува 40 или повеќе и стана 25 играч во историјата со вакво достигнување.

ЛА Лејкерс настапи без шест кошаркари кои се во ковид-протокол и доживеа убедлив пораз од Минесота од 110:92. За главоболките на „езерцата“ да бидат поголеми, повреда доживеа Ентони Дејвис. Најдобар кај победничкиот тим беше Карл-Ентони Таунс со 28 поени и 10 скокови, додека кај Лејкерси најпрецизен беше Ајзеа Томас со 19 поени.