Кошаркарите на Денвер славеа над Минесота со 146:112 во НБА лигата, а српскиот кошаркар Никола Јокиќ забележа нов „трипл-дабл“.

Српскиот центар на Нагетси го забележа својот 19 „трипл-дабл“ учинок сезонава, а за тоа му требаше само едно полувреме. На теренот помина нешто помалку од половина час и за тоа време забележа 20 поени, 16 асистенции и 12 скокови.

Кај Денвер најефикасен беше Мајкл Портер Јуниор со 30 поени, а за Минесота први стрелци беа Ентони Едвардс и Лука Гарза со по 19 поени.

Двете екипи се сретнаа пред два дена во Минеаполис, кога Минесота го совлада ослабениот Денвер со 128:98.

Во Западната конференција води Денвер со 38 победи и 17 порази, а Минесота е на деветтата позиција со 29 победи и 28 порази.