Српскиот кошаркар Никола Јокиќ постигна 46 поени, 10 асистенции и девет скока во победата на Денвер над Сан Антонио по продолжение со 122:111 во НБА лигата.

Новиот натпревар меѓу овие тимови се одигра во Тексас, каде Нагетс се одмаздија за поразот ден претходно.

Мајкл Портер Јуниор го следеше Јокиќ со 28 поени и 10 скока. Преостанатиот двоцифрен член на Нагетс е Џамал ​​Мареј со 13 поени.

Ветеранот Харисон Барнс беше најдобар стрелец кај домашната екипа со 22 поени. Виктор Вембањама забележа 20 поени, 23 скока, три асистенции и четири блокади.

Нагетс се на петтото место со скор 20-14 и имаат тежок распоред, каде на арената „Бол“ доаѓаат шампионите Бостон селтикс, па Лос Анџелес клиперс.