Новиот мексикански ресторан на холивудскиот актер Марк Волберг се запали ноќта пред свеченото отворање.

Според претставник на ресторанот „Flech Cantine“ во Лас Вегас, пожарот избувнал откако се запалил расипан камин. Пожарникарите веднаш по пријавувањето на пожарот пристигнале на местото на настанот и веднаш ги активирале прскалките и го евакуирале ресторанот, пренесува „Пипл“.

На социјалните мрежи беа објавени видеа од пожарот во Лас Вегас.

The fire started on the patio, according to a witness. No injuries reported. pic.twitter.com/dD2BiJE6jU

— Las Vegas Locally ? (@LasVegasLocally) November 7, 2024

„Веднаш дошла противпожарната единица и го изгаснала пожарот. Внатре во ресторанот нема оштетувања. Единствената штета е каминот и столчето до него. За среќа нема повредени“, изјави претставникот.

Иако ресторанот беше отворен на 14 септември годинава, свеченото отворање требаше да се одржи синоќа. Бидејќи пожарот не ги зафатил другите простории, ресторанот набрзо продолжил со работа.

Инаку, овој ресторан е комбинација од традиционални мексикански вкусови, а Валберг отвори сличен ресторан на почетокот на јуни во Хантингтон Бич, Калифорнија. Волберг се пресели од Калифорнија во Лас Вегас со неговата сопруга Реа Дурам и нивните четири деца во 2022 година.