Во 12 коло од најсилното романско првенство екипата на Динамо Букурешт загуби на гостувањето кај Газ Метан со резултат 2:1.

Во првото полувреме домаќините водеа со 2:0, погодоци реализирани за период од две минути преку Деакону.

Македонскиот интернационалец Мирко Ивановски кој го одигра целиот меч за Динамо Букурешт го ублажи поразт во 84 минута од пенал.

Тоа беше прв гол за нашиот 31-годишен напаѓач во петтиот настап во шампионатот за составот на Редник.

Моментно на табелата Динамо Букурешт е на претпоследното 15 место со седум бодови, а во следното коло ќе игра со Рапид Букурешт на домашен терен на 23 октомври 2021 година.