ВИДЕО: Италијански поп отслужи миса во морето, душек за на плажа му беше олтар
Свештеникот Матија Бернаскони пред неколку дена служел богослужба пред група средношколци на југот на Италија, на несекојдневен начин.
Наместо во црква, зад олтар, свештеникот ја одржа мисата во морето, а како олтар искористи душек за на плажа.
Иако 36-годишниот свештеник од Милано подоцна се извини поради тоа, обвинителството отворило истрага за случајот поради евентуална навреда на верските чувства на граѓаните, пишува „Гардијан“.
Бернаскони рекол дека планирал да ја одржи неделната церемонија помеѓу дрвјата на плажа во Кротоне, но местото го зазела друга група. Бидејќи не успеал да најде друго место кое било под сенка, едно семејство во близина го понудило нивниот душек на надувување, кој тој го прифатил.
„Апсолутно немав намера да ја тривијализирам евхаристијата“, изјави свештеникот. „Но, симболите се силни, вистина е, и понекогаш зборуваат на начин поинаков од оној кој го сакаме. Беше наивно од моја страна да не им придадам важност“, заклучи тој.