ВИДЕО | „Искрено, фала му на Бога што немаме деца“: Сет Роген отворено за одлуката за потомство
Канадскиот актер, комичар и режисер Сет Роген во едно неодамнешно интервју зборуваше за одлуката дека тој и сопругата Лорен Милер не сакаат да имаат деца и ги објасни нивните причини.
Препорачано
View this post on Instagram
Во подкастот „Дневникот на извршниот директор“, Роген нашироко зборуваше за неговата долга кариера и за тоа како станал еден од најомилените писатели на комедии во Холивуд, истакнувајќи дека немањето деца „дефинитивно одигра голема улога во неговиот успех“.
„Има една голема работа што не ја правам, а тоа е воспитувањето деца“, рече тој.
View this post on Instagram
Водителот Стивен Бартлет го замоли Сет по неговата изјава да размисли за друга можност, дека да се биде родител може да го направи неговиот и животот на Лорен „посреќен“, што го натера Сет отворено да каже дека не се согласува.
„Мислам дека не“, одговори тој. „Очигледно сум бил околу многу деца, не ми е непознато тоа. Сите што ги познавам имаат деца. Јас имам 40 години. Некои од моите пријатели имаат деца со децении. Некои луѓе сакаат деца, некои луѓе не“.
Зборувајќи поексплицитно за неговото лично искуство, Сет појасни дека имањето деца е нешто што ниту тој ниту Лорен никогаш не го сакале, додавајќи дека станале посигурни во својата одлука како што старееле.
View this post on Instagram
„Тоа беше нешто за што многу разговаравме и мислевме: „Дали го направивме вистинскиот избор? Дали сме сигурни? Сега, повеќе од сè сме сигурни, разговорот ни е во насока: „Искрено, фала му на Бога, што немаме деца. Можеме да правиме што сакаме“.
„Ние сме на врвот на животот. Попаметни сме отколку што некогаш сме биле. Се разбираме себеси повеќе од кога било. Имаме капацитет да постигнеме високо ниво на работа и ниво на комуникација и грижа еден за друг. И не, не мора да воспитуваме дете за да го постигнеме тоа“, заклучи Сет.
НАШ ПРЕДЛОГ ЗА ФИЛМ: „Long shot“ е урнебесна комедија која морате да ја погледнете! (ВИДЕО)
