Интер со фуриозен старт ја отвори новата сезона во Серија А, совладувајќи го Торино со убедливи 5-0 на „Џузепе Меаца“ во Милано.

Иако гостите се обидоа да парираат во првите петнаесетина минути, остатокот од мечот мина во целосна доминација на „нероаѕурите“. Серијата ја отвори Алесандро Бастони во 18. минута, а Маркус Турам ја удвои предноста до паузата (2-0).

Во второто полувреме сценариото продолжи во ист ритам, Лаутаро Мартинез погоди во 52. минута, а со вториот гол на Турам исходот веќе беше решен. Двете летни засилувања, Анге-Жоан Бони и Енди Диуф, добија прилика од клупата, а токму Бони со прецизен удар ги постави конечните 5-0 во 72. минута.

Меѓу најзабележителните поединци беше и Хрватот Петар Сучиќ, кој запиша асистенција и подели неколку мајсторски додавања. Интер на овој начин стигна до првите три бода, а веќе во следното коло повторно ќе игра пред својата публика, овојпат против Удинезе.