Фудбалерите на Интер ја продолжија трката да го стигнат Наполи на врвот на табелата, откако ја победија Верона во италијанското првенство на три кола пред крајот на првенството.

Екипата на Милан не блескаше против Верона, но сепак ја постигна својата цел. Единствениот гол на вечерашниот натпревар го постигна Кристијан Аслани од пенал во деветтата минута, откако претходно Николас Валентино играше со рака во сопствениот шеснаесетник.

Актуелните шампиони сега имаат 74 бода откако претрпеа три последователни порази (два во Серија А), па ќе бидат во позитивно расположение кога ќе ја пречекаат Барса (на 6 мај) во полуфиналето на Лигата на шампионите.

По обврските на меѓународната сцена, тимот на Интер се соочува со тешка борба за Скудетото.

Денеска Наполи славеше против Лече на гости со 1:0, моментно на табелата тимот на Антонио Конте е на врвот со 77 бодови, пред миланските „нераѕури“ со 74 по 35 кола.

Интер се надева на кикс на Наполи во последните три кола, а составот на Симоне Инѕаги очекува нешто „потежок“ распоред во завршницата од сезоната:

ИНТЕР

Торино – Интер
Интер – Лацио
Комо – Интер

НАПОЛИ

Наполи – Џенова
Парма – Наполи
Наполи – Каљари