На Светското клупско првенство изминатата вечер се одиграа два натпревари во кои немаше победник, но беа постигнат дури 12 гола. Интер Мајами и Палмеирас со резултат 2-2 изборија пласман во осминафиналето, а португалскиот Порто го завршу турнирот по нерешениот резултат со Ал-Ахли од 4-4.

Познато беше уште пред натпреварот дека реми помеѓу Мајами и Палмеирас ќе ги одведе двете екипи понатаму., па на крајот средбата така и заврши. Овој натпревар потсети на познатиот натпревар од Европското првенство во 2004 година кога на Шведска и Данска им беше потребен резултат 2-2 за да ја исфрлат Италија и да продолжат понатаму

Мајами поведе рано, уште во 16. минута, кога Алан Веласко Аленде се најде сам пред голманот и без проблем ја смести топката во мрежата. Предноста беше зголемена со голот на искусниот Луис Суарез на почетокот од второто полувреме.

Сепак, Палмеирас не се откажа. Во 80. минута Паулињо намали на 2-1, а веќе седум минути подоцна Маурисио со прецизен удар ги постави конечните 2-2.