фото: EPA-EFE/MATTEO BAZZI

ВИДЕО: Интер гази сè пред себе во Серија А, Милан разочара против Специја

Фудбалерите на Интер ја запишаа и 21 победа сезонава во најсилното италијанско првенство откако на „Џузепе Меаца“ со 4:2 триумфираа над Сасуоло.

Гостите постигнаа гол во 11 минута преку Берарди, но истиот беше поништен поради офсајд. Во 41 минута Интер поведе преку Лукаку, а предноста беше зголемена во 55 минута по автоголот на Тредолди.

За 3:0 се погрижи Лаутаро Мартинез во 58 минута, намали Сасуоло во 63 минута преку Матеус Хенрике, за 3:2 стрелаше Фратеси, а конечниот епилог го постави Лукаку во 89 минута.

Тоа е веќе петта победа по ред за миланските „нераѕури“ во Серија А, седма ако ги вклучиме и победите во Купот и Лигата на шампионите.

Составот на Симоне Инѕаги моментно е на третата позиција со 66 бодови, додека Сасуоло после 15 пораз е на 13 место со 44 бодови.

Салернитана со погодокот на Кандрева ја совлада Аталанта, додека Милан ги разочара своите навивачи овојпат со гостински пораз кај Специја (2:0). Домаќините ги освоија бодовите благодарение на Висниевски (75`) и Еспосито (85`).

„Росонерите“ се на петтата позиција со 61 бод, додека победата на Специја е добредојдена во борбата за опстанок за моментно 18 место со 30 бодови.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот