Тиктокерката Наталија Дајк објави видео во кое го откри своето горчливо искуство во текот на престојот во Париз. Низ солзи, таа раскажа дека „ги изгубила сите пари покрај Ајфеловата кула“, во наизглед безопасна улична игра.

– Се наоѓаме во Париз и плачам затоа што штотуку бевме измамени. Сите велат дека треба да внимавате на измамите, но ретко кој навистина верува дека токму ова ќе им се случи. На крајот, наседнавме – ја започнала Наталија својата приказна.

Наталија тврди дека шетала и „налетала на еден Италијанец“ кој имал лимон и три чаши. Околу него имало повеќе луѓе кои се обидувале да погодат под која чаша се наоѓа овошјето.

– На почетокот седевме и гледавме, а потоа тој нè покани да играме „само за забава“. Одиграв еднаш, па вторпат, бидејќи делуваше лесно – го следиш лимонот, гледаш лево-десно и погодуваш во која чаша е – раскажала таа.

Девојката вели дека на почетокот „не сакала да игра за пари“, но била привлечена од можноста да ја врати сумата што претходно ја изгубила поради плаќање казна во Париз.

– Така почнавме да играме. Прво погодував и заработував, но третиот пат лимонот не беше таму каде што требаше да биде. Сигурна сум дека го тргна со раката. Тогаш изгубив сè! Потоа седнав и почнав да плачам, лута што вчера изгубивме пари поради казна, а денес повторно останавме без пари. Бев шокирана бидејќи бев убедена дека играта е лесна. Но, ете, нè измамија – се пожалила таа.

@nathaliaduques Sobbing because we got #scamed in #Paris ♬ original sound – nathaliaduques

Многу гледачи коментирале дека таа наседнала на една од „најстарите измами за извлекување пари од туристите“ и дека мора да ја сноси одговорноста затоа што самата се согласила на тоа.

– Не си измамена. Никој не те тераше да играш, ти самата се согласи – напишала едне следбеничка, а друга се надоврзала: „Дали првпат си излегла од дома“.

Еден тиктокер детално објаснил како функционира уличната игра, позната под многу имиња.

– Ве молам, не наседнувајте на тоа, затоа што иако мислите дека ќе победите, гарантирам дека секој пат ќе ги изгубите парите – предупредил тој.

@paris.in.my.pocket Whatever you do, don’t fall for this scam when you’re in Paris! The Three Cup Monte might look like an easy win, but trust us—it’s rigged from start to finish. The sleight of hand is impressive, sure, but here’s the kicker: everyone involved, from the players to the crowd, is in on it. They might let you win a round or two to boost your confidence, but don’t be fooled—these guys aren’t here to lose, and you will walk away lighter in the wallet. Save those euros for Michelin-starred dinners, not scams For more Paris Travel Tips follow Paris in My Pocket! #Paris #ParisinMyPocket #Parisscams #ScamsinParis #ParisTok ♬ original sound – parisinmypocket