Лавина реакции имаше во шпанската фудбалска јавност одлуката на главниот судија Ортиз Аријас на натпреварот од „Ла Лига“ помеѓу Ваљадолид и Севиља.

Шпанскиот судија го продолжи првото полувреме за четири минути. Во моментите кога истекуваа продолженијата, Ваљадолид доби корнер, а Аријаз дозволи да се игра. По еден корнер, фудбалерот на Ваљадолид упати удар кон голот на Севиља, беше изблокиран, топката се одби до Ескудеро, кој веднаш упати нов удар од далечина.

Во истиот момент кога играчот на Ваљадолид шутираше кон голот, судијата ја крена раката и ја досуди крај на првото полувреме. Топката заврши во мрежата, но голот за предност на Ваљадолид беше поништен.

Фудбалерите на домаќините беа бесни на неговата одлука, но немаше промена на одлуката. Резултатот од конфликтот беше црвен картон кој го заработи член на стручниот штаб на домашната екипа.

Ваљадолид доживеа убедлив пораз од 0:3, Севиља ги постигна сите голови во второто полувреме.

pic.twitter.com/2RNAROHWmW

— Trunks C. (@camatrunks2) May 14, 2023