ВИДЕО | Идеи за креативци: Фарбањето на јајца со фолија е едноставна техника, а ефектот е неверојатен
Ако ви е потребен едноставен но ефикасен начин за бојадисување јајца овој Велигден, имаме вистински хит за вас! Оваа година, боењето јајца со фолија ги изненади сите на социјалните мрежи и тоа со добра причина.
Препорачано
Не само што техниката е едноставна, туку јајцата изгледаат како да се „излезени“ директно од креативна работилница.
Заборавете на часовите поминати во боење на јајцата, со малку фолија, ракавици и боја за јајца по желба, вашите велигденски јајца ќе блеснат како вистинско уметничко дело.
Еве како да го направите Велигден уште подобар, а сигурни сме дека ова е техниката која ќе ја користите и следната година.
Потребни ви се:
- Варени јајца (по можност бели, поради посилниот ефект на бојата)
- Алуминиумска фолија
- Бои за јајца во прав или гел (во светли нијанси, комбинирајте по желба)
- Ракавици
- Малку масло (по избор, за дополнителен сјај)
Постапка:
Исечете ја фолијата на квадрати доволно големи за целосно да се затвори едно јајце. Капнете неколку бои во средината на фолијата – можете да комбинирате 2-3 нијанси за пошарен ефект.
Ставете го јајцето на бојадисаната површина, а потоа внимателно завиткајте ја фолијата околу него. Лесно притиснете и превртете го јајцето меѓу дланките за да ги впие боите. Оставете го да отстои неколку минути, а потоа внимателно одвиткајте го.
По желба, премачкајте го јајцето со хартија натопена со масло за дополнителен сјај.
@recepti_uradi_sama Ideja za farbanje jaja uz pomoć aluminijumski folije. #uskrs #jaja #farbanje #easter #eastereggs ♬ What You Won’t Do for Love – Bobby Caldwell
Резултат:
Секое јајце ќе има уникатен изглед кој потсетува на мермер, акварел или дури и галаксија! Плус, овој метод е идеален ако боите јајца заедно со децата – забавен е, не бара прецизност, а нередот е минимален.
Ако сакате дополнителен одличен ефект, користете бои со метални или бисерни пигменти – резултатот ќе биде неверојатен, а вашата велигденска трпеза ќе добие вистински гламурозен детаљ!
Велигден е време на радост, семејни собири и мали ритуали кои не поврзуваат – а бојадисувањето јајца со фолија дефинитивно заслужува место во семејната традиција.
