Обилните врнежи од дожд кои паѓаат во изминатите 24 часа предизвикаа големи проблеми во поголемиот дел на Босна и Херцеговина, пишува avaz.ba.

Во Зеница e пораснат водостојот на реката Босна и се заканува излевање од коритото. Во некои делови водата веќе е стигната до шеталиштето.

Денеска во поголемиот дел од кантонот Сараево поплавите направија големи проблеми. Најпогодени беа Рељево, Рајловац, Доглоди, Отес. Беше вршена и евакуација на граѓаните и сите расположливи единици беа на терен.

Драматично беше во неколку сараевски населби, особено во Отес, каде што нема струја и вода.

Пожарникарите користеа чамци за да ги извлечат старите и изнемоштени лица кои беа заробени во нивните куќи.

Состојбата во Отес е драматична од утринските часови.

Како што информирале од Професионалната противпожарна единица на кантонот Сараево, поплавени се и згради и семејни куќи.