Во рамките од 26 коло во најсилното кипарско фудбалско првенство составот на АЕК Ларнака дома со 3:1 славеше над Паралимни.

Сите три голови за домаќините ги постигна поранешниот македонски репрезентативец Иван Тричковски за вкупно 18 победа сезонава.

Нашиот напаѓач ги реализираше своите погодоци во осмата, 13 и 82 минута, третиот беше постигнат од пенал.

До сега Тричковски во шампионатот запиша девет голови во 19 настапи за АЕК Ларнака кој заврши на првото место на табелата пред завршниот дел од сезоната преку кој ќе се дознае шампионот годинава.

Одличен настап имаше уште еден наш интернационалец, Лука Станковски го реализираше победничкиот гол за НД Горица против Целје (0:1) во словенечкиот шампионат.

Прв гол за Станковски, кој игра на позајмица во НД Горица од турскиот фудбалски клуб Газиантеп.