Репрезентацијата на Мароко одигра одлично Светско првенство, но вчера во натпреварот за бронза Мароканците беа поразени од Хрватска. Поразот во редовите на Мароко донесе голема нервоза, а дел од фудбалерите се истакнуваа со таквото однесување после натпреварот.

Посебно во центарот на вниманието се најде фудбалерот на Пари Сен Жермен, Ашраф Хакими. Имено, Хакими својот бес го изнел пред првиот човек на ФИФА, Џани Инфантино. Новинари пренесуваат дека Хакими му се развикал в лице на Инфантино, а подоцна ФИФА од нив барала да се избришат снимките.

„Тој стоеше на помалку од пет сантиметри пред Инфантино и му викаше поради судиите. Беше чудно да се гледа претседателот на ФИФА во таква ситуација“, изјави холандскиот новинар Том Егберс.

Ситуацијата ја потврди и новинар од Шведска, Хохан Куцукаслан.

„Бараа од нас да ги избришеме снимките, јасно беше дека ситуацијата за нив е засрамувачка“.

Протестите на Мароко беа затоа што сметаа дека Бруно Петковиќ во финишот играл со рака по ударот со глава на Ел-Несири. Претходно тие сметаа дека се оштетени и за два пенали во дуелот против Франција поради што и поднесоа жалба до ФИФА.

FIFA asked journalists to remove footage of Hakimi yelling at Infantino https://t.co/FLbqCTfJuq

— Releases Point (@ReleasesPoint) December 18, 2022