ВИДЕО | Гулаб нападна новинар додека известуваше за царините на Трамп: Претседателе треба да направиме нешто со овие птици
На интернет се шири видео кое ги насмеа луѓето ширум светот. Всушност, новинарот на „Фокс Њуз“, Питер Дуси известуваше за плановите на Доналд Трамп за царините кога гулаб реши да слета на неговата глава.
Препорачано
Just another day on live tv! Peter Doocy has an unexpected visitor at the White House🐦@pdoocy pic.twitter.com/G7OvNb3NLV
— FOX & Friends (@foxandfriends) April 11, 2025
Тој брзо ја заниша главата надолу, а гулабот потоа полета надвор од камерата, додека Дуси извика: „Гулаб слета на мојата глава!“ Но, по еден момент гулабот се вратил и неколку пати го заокружил, што повторно го натерало новинарот да се обиде да го избрка. Неговите колеги од студиото не можеа да ја сокријат својата смеа, додека Дуси, држејќи пенкало во едната рака и обидувајќи се да ја оттурне птицата со другата, рече: „Ова воопшто не ми се допадна“.
„Мислам дека му се допаѓа твојата коса“, се пошегува новинарот во студиото. „Ова е дефинитивно… Толку валкано“, рече Дуси, додавајќи: „Претседателе Трамп, ако гледате, треба да направиме нешто со овие птици. Каде е услугата во паркот? Тие се секогаш тука, ги чистат улиците и лисјата, освен кога гулабите слетуваат на мојата глава“.
Емисијата заврши со коментарот на новинрот кој рече дека се надева дека гулабот нема птичји грип, а Дуси се пошегува и возврати: „Можеме ли сега да му се јавиме човекот со шампонот?
Не требаше долго да започне исмејувањето на Икс. „Овој гулаб е на десната страна“, напиша еден корисник на Икс, додека друг додаде: „Изненаден сум што не го обвини Бајден за ова“.
