Хелсиншкиот комитет за човекови права заедно со Фудбалската Федерација на Македонија и фудбалерите од македонската лига испраќаат јасна порака:

– Говорот на омраза нема место во фудбалот! Фудбалот не е само спорт – тоа е страст, љубов и игра што нè обединува. На трибините, на теренот и надвор од него, фудбалот треба да биде симбол на единство, почит и фер-игра.

Кога се натпреваруваме, да го правиме тоа со почит – и кон противникот, и кон играта. Кога навиваме, да го правиме тоа со срце. Поддржи фер-игра – на теренот и на трибините. Биди дел од позитивната промена. Избери почит. Избери фер-плеј.

Целта е да се подигне свеста кај луѓето со цел да се избегнат немили сцени на трибините, навивачите кои присуствуваат да промовираат спортски вредности наместо навреди.

Ваквата порака се праќа на денот кога и официјално стартува новата сезона во Првата македонска фудбалска лига.