Сите имаме свое мени за новогодишната ноќ. Сарма, руска или пилешка салата, задолжителни кифлички или погача и печено месо.

Но, зошто да не се обидеме малку и да експериментираме.

Маја ви предлага брзи и вкусни закуски што ќе и дадат нов твист на Вашата празнична трпеза.

Закуски за новогодишно мени

Солени крекери

– 300 г мешано сирење
– 200 г путер
– 500 г брашно
– 1 Долчела прашок за пециво
– 1 лажичка ким
– 1 лажичка Вегета Маестро оригано
– 1 лажичка Вегета Класик
– Натура сусам

За премачкување
– 1 жолчка
– 1 лажица масло

1. Во омекнат путер ставете сол и пециво а потоа додадете брашно
2. Со раце замесете ја смесата, со нежно притискање на путерот со брашното. Треба да добиете смеса како трошки
3. Потоа ставете иситнето сирење и продолжете да месите
4. Зачинете со Вегета Класик и ким
5. Тестото префрлете го на набрашнета површина и продолжете да месите додека не добиете хомогено тесто
6. Потоа со сукало развлечете тесто со дебелина од половина сантиметар
7. Со модли направете колачиња по желба и премачкајте ги со жолчка, сусам, оригано и Вегета.
8. Се печат во загреана рерна на 200 степени околу 15 минути

Крем салата од пилешко филе

– 200 гр пилешко филе
– 200 гр мешан кашкавал
– 1 варено јајце
– 1 варен компир
-1 варен морков
– 1 конзерва Подравка грашок
– 5 Подравка кисели краставички
– 300 г мајонез
– Сол и бибер

1. Во длабок сад ставете го сите состојки исечени на коцки
2. Мешајте и додадете сол и бибер а потоа и мајонез и убаво соединете
3. На крајот измазнете и поклопете со фолија да отстои 1 час
4. Како декорација посипете со рендано јајце

Крем салата од салама

– 300 г урда
– 60 г Подравка цвекло
– 300 г рендана салама
– 100 г сусам
– 50 г ореви
– 1 лажичка Вегета Маестро кари
– Сол и бибер

1. Сусамот тостирајте го на сува тава, само неколку минути додека не се зарумени и тргнете го оган
2. Оревите исецкајте ги ситно и ставете ги во истата сува тава, само малку да се потпечат
3. Во сад ставете става сецкана салама, сецкано цвекло и додадете ги оревите. Ставете урда, павлака, сол, бибер и кари.
4. Убаво измешајте и декорирајте по желба

Мини ражничи

– 400 г свинсно филе
– 1 црвен кромид
– 1 Перутнина Птуј пилешки стек
– 20 шери домати
– 1 млада тиквица
– 10 листови ловор

Маринада
– 4 лажици јогурт
– Сок од 1 лимон
– 5 лажици масло
– 1 лажичка Вегета Маестро лук
– 1 лажичка сушен кромид
– 1 лажичка сушен магдонос

1. Состојките за маринадата помешајте ги во длабок сад.
2. Свинското месо исечете го на поситни парчиња и ставете го во маринадата
3. Пилешкиот стек сечете го на покрупни парчиња и додадете го во маринадата заедно со свинското месо
4. Убаво измешајте, посолете, ставете бибер и оставете го да отстои барем половина час.
5. Млада тиквичка исечете ја на полукружни парчиња, исто и кромидот. Посолете ги и ставете им бибер
6. Тортиљите ставете ги во загреано и намастено тенџере и направете форма на тањир. Оставете ги малку да се потпечат за да ја задржат формата за да може да се сервира во нив
7. Ражњичите редете ги со свинско, тиквичка, пилешко, шери домат, кромид и пак свинско, ловор и пак месо
8. Ставете ги на загреана скара или грил тава и печете ги додека не се испечат убаво од сите страни.

Сос од мед
– 3 лажици сенф
– 1 лажица мед

Сос од павлака
– 3 лажици павлака
– сол
– бибер
– Вегета Маестро лук во гранули

Кокос бисквит колачиња

– 1 јајце
– 1/2 чаша шеќер
– 50 мл кокосово масло
– 1 Долчела ванилин шеќер
– 1/4 лажичка сол
– 3/4 чаша кокосови снегулки
– 3 лажици брашно
– 2 лажици путер
– 10 Винчини наполитанки
– 1 Долчела прашок за пециво

1. Во сад ставете го кокосовото масло и брашното и помешајте ги
2. Ставете јајце, шеќер и путер и измешајте
3. Потоа додадете прашок за пециво, ванилин шеќер и мелени наполитанки и кокосови снегулки
4. Со помош на намастени лажици формирајте топчиња и наредете ги во плех обложен со хартија за печење и ставете ги во загреана рерна на 180 степени. Се печат 10-12 минути