Никола Јокиќ одигра уште еден одличен натпревар за Денвер и со трипл-дабл го предводеше својот тим до победа против Феникс за водство од 3:2 во серијата.

Покрај настапот на паркетот, Јокиќ го привлече вниманието и со гестот кон сопственикот на Феникс Мет Ишбија. На загревањето пред натпреварот Јокиќ му пријде на Ишбија и симболично му ја „врати“ топката која сакаше да му ја земе во претходниот натпревар кога го турна.

Гестот на Јокиќ Ишбија со задоволство го прифати и двајцата се прегрнаа.

„Немам ништо против него, исто би постапил секој друг од Феникс. Се што јас сакав е да дојдам побрзо до топката за да добиеме предност. Сега само се пошегував со враќање на топката во неговите раце. Се надевав дека ќе ми ја плати казната, но тоа не се случи“, низ шега прокоментира српскиот кошаркар.

ВИДЕО | Joкиќ постигна 53 поени, но и влезе во дуел со сопственикот на Феникс