Фламенго е новиот шампион на Јужна Америка откако во финалето на Копа Либертадорес го совлада Атлетико Параненсе со голот Габриел Барбоса.

Поранешниот играч на Интер кој не успеа да се наметне во Европа, ја искористи одлична асистенција на Евертон Рибеиро во судиското продолжение од првиот дел и го постигна одлучувачкиот гол на натпреварот. До крајот на натпреварот Фламенго ја задржа предноста против ривалот од Бразил.

Треба да се знае дека Атлетико претходно остана и со играч помалку, па секако дека и тоа влијаеше на обидите да стигне до изедначувачки гол. За Фламенго ова е трета титула во Либертадорес купот.

Покрај Габигол во тимот на Фламенго и играа играчи кои до скоро освојуваа трофеи во Европа како Артуро Видал, Давид Луиз и Фелипе Луиз.

?⚽?? Take an exclusive look at @Flamengo_en‘s title winning goal in Guayaquil!#GloriaEterna pic.twitter.com/ikEcggQXLP

— CONMEBOL Libertadores (@TheLibertadores) October 30, 2022