Фото: Pexels / Andrea Piacquadio

ВИДЕО | Физиотерапевтка објасни: Зошто е опасно да спиете на две перници?

Ако сте некој кој секоја вечер ја потпира главата со две перници, можеби ќе сакате да се откажете од едната заради вашето здравје.

Физиотерапевтката од Мисури, Семи Шпигел, објасни дека дури го измислила и терминот „синдром на две перници“ за да ги опише ефектите што може да ги има на вас спиењето со неколку перници.

Таа призна дека таа фраза нема да ја најдете во ниту една научна студија, но се колне дека таа навистина постои, бидејќи ја видела од прва рака кај своите пациенти во текот на својата 13-годишна кариера.

Семи откри на својот профил на ТикТок дека тоа може да се спречи многу лесно.

Таа ги повика луѓето „да се чуваат од синдромот со две перници“ и ги охрабри да „се спротивстават на нагонот“ да ги потпираат главите на неколку перници секоја вечер.

Шпигел објасни дека ова може да предизвика или драстично да ја влоши цервикалната кифоза, која е позната и како грпка. Ова е ситуација кога ‘рбетот се искривува напред, предизвикувајќи заоблен горен дел од грбот и вратот, а најчеста причина за тоа е лошото држење на телото.

Шпигел објасни дека повеќето луѓе се стуткани во текот на денот, така што последното нешто што сакате да го направите е да спиете стуткано.

Таа објасни дека подигнувањето на главата со две перници додека спиете значи дека вашиот ‘рбет се „приспособува на кривината што се развива со текот на времето со лошо држење на телото“, кога всушност ни треба „вратот и ‘рбетот да се истегнат назад во добра исправена положба“ додека спиеме.

@samspiegs You won’t find “2 Pillow Syndrome” in any texts but I swear it’s a thing! #posture #neckhump ♬ original sound – Sammy

Физиотерапевката објасни дека би било идеално да „лежите рамно без перница“ или „да користите една перница“ додека спиете секоја вечер. И ако чувствувате дека ви треба поголема поддршка, Шпигел препорача да ставите свиткана крпа зад вратот за да ја „поддржите кривата“.

Таа, исто така, ги предупреди луѓето да се држат настрана од душеците кои се прилагодуваат на телото, бидејќи осум часа во иста положба на него нема да направат ништо добро за вашето држење, пишува „ЛАДБајбл“.

Експертката за спиење потоа демонстрираше серија истегнувања и вежби за кои вели дека можат да ви помогнат „да ги зајакнете мускулите и да го мобилизирате ‘рбетот“.

 

 

 

 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот