Фудбалерите на Феенорд му го нанесоа најтешкиот пораз во меѓусебните дуели на вечниот ривал Ајакс, популарниот „Класикер“, откако денеска во натпреварот од 29 коло на холандскиот шампионат триумфираа со неверојатни 6:0. Фудбалерите на Феенорд му го нанесоа најголемиот пораз на Ајакс во историјата на „Класикер“.

Во првенствената пресметка пред денешната убедлива победа, Феенорд го совлада Ајакс со максимални пет гола разлика, и тоа само еднаш, пред речиси 60 години, кога на 29 ноември победи со 9:4. Есента Феенорд го победи Ајакс со 4:0 како гостин.

Ајакс во неколку наврати го совлада вечниот ривал со шест гола разлика: 7:1 во октомври 1933 година, 6:0 во ноември 1975 година, 8:2 во септември 1983 година и 6:0 во мај 1999 година.

Клубот од Ротердам денеска до убедлива победа го предводеа двојните стрелци Игор Паишао и Јанкуба Минтех, а по еден гол постигнаа Давид Ханко и Квинтен Тимбер.

Бранителот на титулата Феенорд е втор со 69 бодови на пет кола пред крајот на првенството, девет помалку од лидерот ПСВ, додека Ајакс е шести со 45 бодови.