Лорин Зинеб Нора Талхауи, попозната како Лорин (39), со песната „Tattoo“ ќе ја претставува Шведска во мај на Евровизија во Ливерпул, Британија. Ова следеше откако таа победи на „Мелодифестивален“, кој заврши во петокот по месец ипол.

 

View this post on Instagram

 

A post shared by LOREEN (@loreenofficial)

– Целото себе се вложив во песната ‘Tattoo’, без двоумење. Бев вклучена во процесот на создавање на композицијата, која ја приспособив на себе и на она што сакав да ѝ го покажам на публиката. Со оваа песна сакам да порачам дека сите мора да најдеме надеж во овој хаотичен свет, дека мора да се фокусираме на себе и да ја пронајдеме во себе ватрешната сила – изјави по победата Лорин, која во првото полуфинале ќе настапи во Ливерпул.

Шведската репрезентација, продуцирана од SVT (Sveriges Television AB), го емитуваше финалето на натпреварот од „Френдс арена“ во Стокхолм, каде што поканија осум земји-учеснички на ESC да бидат дел од нивниот тим за гласање. Во жирито беа вклучени Австралија, Белгија, Латвија, Малта, Шпанија, Германија, Австрија и Хрватска.

?? The international jury vote at #Melodifestivalen2023

12 points to Loreen from ?? ?? ?? ?? ?? ?? ??

12 points to Theoz ??#Melodifestivalen #eurovision pic.twitter.com/0VZxs1m1Up

— wiwibloggs (@wiwibloggs) March 11, 2023

Од почетокот на натпреварувањето се претпоставуваше дека Лорин ќе победи, а Шведска со денови убедливо води во обложувалниците на Евровизија.

Шведската претставничка на пошироката јавност ѝ е позната по песната „Euphoria“ со која победи на Евровизија 2012 година во Баку. Освен „Euphoria“, Лорин има и бројни други хитови како „Walk with Me“, „Neon lights“, „Sober“, „In My Head“ и „I’m in It with You“.

Спектакл во најава: Ова се водителите на годинашната Евровизија во Велика Британија

ФОТО | Еуфорично: Легендарната Лорин сака повторно да се врати на Евровизија

Спектакл во најава: Ова се водителите на годинашната Евровизија во Велика Британија