По нерешените 3:3 на „Сантјаго Бернабеу“, на возвраниот натпревар од четвртфиналето во Лигата на шампионите составот на Реал Мадрид на гости по пенал серијата го елиминираше Манчестер сити за пласман во следната фаза.

Така, Европа ќе добие нов првак, Манчестер сити ја бранеше титулата од минатата натпреварувачка сезона.

На стадионот „Етихад“ по регуларните 90 минути беше 1:1, по првото полувреме водеа „кралевите“ со голот на Родриго во 12 минута.

Во текот на вториот дел „граѓаните“ успеаја да израмнат преку Де Брујне во 76 минута од средбата.

Немаше погодоци во двете продолженија, па патникот во полуфиналето го дознавме по ударите од белата точка во кои Реал беше подобар со 4:3.

Во редовите на Манчестер сити непрецизни беа Силва и Ковачиќ, а на спротивната страна единствено Модриќ не го најде патот до противничката мрежа.

ВИДЕО: Баерн е полуфиналист во ЛШ, херој на баварскиот гигант е Џошуа Кимих