Никола Јокиќ, центарот на НБА клубот Денвер нагетс во родниот Сомбор во штала ја доби наградата за најкорисен играч во лигата (МВП).

Втора година по ред српскиот интернационалец доаѓа до признанието благодарение на своите игри сезонава, иако неговите Нагетси беа елиминирани уште во првата рунда од плеј-офот на Западната конференција.

Јокиќ беше пријатно изненаден од делегацијата од Денвер предводена од тренерот Мајк Мелоун која допатува во Србија.

Српскиот кошаркар стигна пред шталата со коњ, пречекан со музика, го погодија емоциите и заплака. Со своите најмили ја сподели огромната среќа.

Еве како се подготвуваше изненадувањето за Јокиќ, погледнете го целото видео во кое се гледа како му го врачуваат МВП трофејот.