Капитенот на македонската фудбалска репрезентација Енис Барди преку видео порака се збогуваше со навивачите на Трабзонспор.

Во текот на вчерашниот ден беше потврдено заминувањето на Барди од турскиот клуб, а нешто подоцна македонскиот репрезентативец испрати и видео порака.

„Сакам да се заблагодарам на сите што се дел од ова големо семејство. Чест ми е што настапував за така голем клуб и нема да ве заборавам никогаш. Тука имав подеми и падови, а навивачите секогаш беа покрај нас да ни дадат поддршка. Ви посакувам се најдобро ви ндина и им благодарам на претседателот и управата што направија се за да се чувствувам како дома“, изјави Барди.

Во редовите на турскиот клуб, Барди пристигна од шпански Леванте. Засега не е познато каде ќе ја продолжи кариерата, но се споменуваат клубови од Турција и Шпанија.