Македонскиот тренер на рускиот кошаркарски клуб ЦСКА Москва, Емил Рајковиќ е прогласен за најдобар тренер во ВТБ лигата за сезоната 2022/23.

Под водство на нашиот 44-годишен стручњак, ЦСКА Москва оствари 30 победи во 32 натпревари и победи во регуларниот дел од ВТБ лигата.

Во првото коло од плеј-офот неговиот клуб го победи Автодор (3:0), а во полуфиналната серија до 4 победи се среќава со Локомотив-Кубан.

Покрај тоа, ЦСКА Москва постави пет рекорди во Лигата: најдобар почеток на сезоната (24-0), најдолга победничка серија (24 победи по ред), 30 победи во една регуларна сезона, 14 натпревари со 100 поени или повеќе и најдобар учинок во регуларниот дел од сезоната (95,6 поени по натпревар).

– За мене е голема чест што ја добив наградата. Но, верувам дека овој трофеј не се доделува на една личност, туку на целиот тим: играчи, тренери, персонал и управа. Нашиот тим го заслужи за одличната сезона, за победите и сите рекорди. Но, најважната цел допрва доаѓа, а сите наши мисли се насочени кон следните натпревари кои се поважни – вели Рајковиќ.