Најдобрата македонска машка ракометна репрезентација успеа да обезбеди пласман на Светското првенство во 2025 година откако во баражот за еден гол беше подобра од Фарски Острови.

Иако противникот во првиот натпревар триумфираше со седум голови разлика, во реваншот во СЦ „Борис Трајковски“ нашата селекција ја анулираше негативата и триумфираше со 34:26.

Избраниците на селекторот Кирил Лазаров според најавите ќе бидат во третиот шешир пред жрепката за групите на континенталниот собир кој ќе се организира од 14 јануари до 2 февруари 2025 година во Хрватска, Данска и Норвешка.

Европската ракометна федерација (ЕХФ) објави видео од историскиот пресврт на нашите најдобри ракометари за пласман на Мундијалот.

– Чудо во Скопје. Уживајте во некои од најдобрите акции на историскиот камбек на Македонија за пласман на Светското првенство. Кој беше вашиот омилен момент од натпреварот? – стои во објавата на ЕХФ.