ВИДЕО: Егоров стартуваше со триумф на Светското првенство во борење во Белград
Македонскиот борач Владимир Егоров во квалификациите на Светското првенство во Белград (Србија) славеше победа над Манвел Хндзртсјан од Ерменија со 7:5 во категоријата до 57 килограми. Дел од борбата на Егоров можете да погледнете ТУКА
Препорачано
-
1
-
2
-
3
Во осминафиналето европскиот шампион Егоров ќе ги одмери силите против Дариан Тои Круз (Порторико) кој беше подобар од Таџикистанецот Мухамад Икромов со 5:3.
Од останатите наши натпреварувачи на СП, во категоријата до 79 кг. Дејан Митров најпрвин триумфираше во 1/16 финалето над Чаба Вида (Унгарија) со 3:2.
Потоа, во осминафиналето загуби од светскиот и олимписки шампион Џордан Ернест Бероуз од САД со 12:1.
Во репасажот и можноста да се бори Митров за бронзен медал загуби од Сахергелди Сапармирадов од Туркменистан со 10:1.
Во категоријата до 70 кг. во квалификациите Фати Вејсели претрпе пораз од Бугаринот Рамазан Елдарович Рамазанов со 7:4.
Бесир Алили во категоријата до 61 кг. за ривал во квалификациите го има Реза Ахмадали Атригархи од Иран, додека Могамедгаџи Нуров во категоријата до 97 кг. ќе ја прескокне квалификациската рунда и во осминафиналето ќе се бори против Бенџамин Конрад Хонис од Италија или Туерксунбиеке Мухеите од Кина.
