Јутјуберот Брајан Џејмс неодамна сподели видео во кое се гледа како изгледа семејната кабина на крузерот за крстарење „Utopia of the Seas“, за кој се вели дека е еден од најголемите во светот.

Луксузната кабина чини 4.000 долари (3.838 евра) од ноќ. Брајан работи како музичар на брод за крстарење, а се качи на 22 октомври минатата година и таму ќе биде до 7 март.

Апартманот е полн со интересни карактеристики, а една од нив се скалите на кои свират тонови на пијано додека одите по нив. Има и електронски завеси, а детската соба е опремена со кревети на кат и секој кревет има свој ТВ и слушалки.

Кабината е распоредена на два ката, со вкупно три спални соби. Брајан ги покажа пространите бањи, ѕидовите со обоени прозорци и огромната магнетна табла за децата. Посебен хит е внатрешниот тобоган што води од горниот кат до долниот.

Ако тоа не е доволно, станот нуди приватно кино со најнови гејмерски конзоли.

Приватен батлер е достапен 24 часа на ден.

Брајан покажа како на терасата има топла када, маса за пинг-понг и трпезарија со прекрасен поглед на морето. Гостите во апартманот добиваат и приватен батлер достапен 24 часа на ден за исполнување на секоја нивна желба.

Видеото привлече внимание, а многумина останаа воодушевени од необичната содржина.