Фудбалерите на Њукасл го совладаа денеска на домашен терен Манчестер јунајтед со минимален резултат 1:0 во натпреварот од 14 коло во Премиер лигата.

Стрелец на единствениот гол на мечот беше Ентони Гордон во 56 минута.

Ова е осма победа сезонава за Њукасл и со 26 бодови моментно е на петтото место на табелата.„Црвените ѓаволи“ се на седмата позиција со два бода помалку.

Во следното коло Њукасл ќе му гостува на Евертон, додека Јунајтед ќе биде домаќин на Челси.

Во саботата се одигра уште еден меч, Евертон славеше кај Нотингем со 1:0.