Џон Бон Џови беше гостин во новата епизода од поткастот „Bunnie Xo’s Dumb Blonde“ во која зборуваше како се носи со одлуката на својот син, како и за своите чувства за доаѓањето на неговата внука. Неколку недели пред да ја прослават својата прва годишнина од бракот, неговиот син Џејк Бонџови и сопругата Мили Боби Браун споделија дека посвоиле девојче.

„Лудо, но одлично. Навистина е прекрасно чувство. Посвоија девојче и нè запознаа со бебето, таа веднаш стана моја внука“, рече Бон Џови.

Џејк и Мили се венчаа во 2024 година, а присутни беа и најблиските членови на семејството.

Зборувајќи за својата снаа, Бон Џови рече:

„Таа е навистина слатка и многу вредна. Постојано ѝ кажувам колку ѝ се восхитувам, бидејќи нејзината работна етика е неверојатна. Се венчаа многу млади, но ние го поддржавме тоа бидејќи ги разбираме. Тие се некако зрели за своите години. Таа и Џејк се заљубија и едноставно помисливме дека ќе го поддржиме тоа.“