Двејн Џонсон се чувствува благодарен и среќен откако авионот во кој се наоѓал неодамна морал принудно да слета, а тоа го направил безбедно и без последици иако имал дефект.

Актерот целата случка ја раскажа во видеото објавено на платформата „Икс“ присетувајќи се на моментите кога пилотот го известил, додека летале за Хјустон, дека треба да се вратат на Хаваи од каде што полетале половина час претходно.

„Пилотот се соочи со мене, лице в лице, во авионот сум само јас. Тука беше и екипажот. И ми вели: Господине Џонсон, се извинувам што ве известувам на овој начин, но не можеме да продолжиме да летаме преку океанот. Имаме проблем“ вели Џонсон цитирајќи ги зборовите на пилотот.

Super bummed I can’t be in Texas but so grateful we were able to land the plane safely.

So sorry to our @TheUFL fans, players, coaches, staff and our teams at @FOXSports @espn I’m not there.

Let’s have a great season 2 opening weekend, have fun, and ball out. pic.twitter.com/9FgwLIUSS5

— Dwayne Johnson (@TheRock) March 29, 2025

Според актерот, пилотот му дал збор дека „безбедно ќе го врати на островот“ и му објаснил дека хидрауличниот проблем предизвикал дефект на авионот.

Во еден момент, Џонсон се фатил себеси како размислува за смртта:

„Дали е тоа тоа? Дали вака се одјавувам?“.

Инаку Џонсон бил на пат за Хјустон за да го гледа натпреварот во американски фудбал.