Фудбалерите на Борусија Дортмунд го совладаа Мамелоди сандаунс од Јужна Африка во второто коло од Групата Е на Светското клупско првенство со резултат 4:3 на теренот во Синсинати, САД.

Јужноафриканскиот тим поведе во 11 минута со голот на Рибеиро, а германската екипа направи пресврт до полувремето. Во 16 минута, голманот на Мамелоди, Ронвен Вилијамс, направи катастрофална грешка. Откако ја прими топката назад во шеснаесетникот, тој сакаше да продолжи со додавањата, но ја додаде топката директно во нозете на Нмеча, кој беше неколку метри напред и рутински ја смести во мрежата.

Дортмунд потоа го засили темпото и постигна уште два гола до паузата, стрелци беа Гираси во 34 минута и Рибеиро во 45 минута. Четвртиот гол за Борусија беше автогол на Мудау во 59 минута.

Мамелоди до крајот на натпреварот успеа да постигна уште два голови преку Рајнерс во 62 минута и Мотиба во 90 минута.

Борусија го задржа водството и ја забележа првата победа во ова натпреварување. „Милионерите“ имаат четири бода по два натпревари, додека Мамелоди останува на три.