Фудбалерите на Борусија Дортмунд на домашен терен го совладаа Унион Берлин со 6:0 во натпреварот од 23. коло на Бундес лигата.

Дортмунд поведе по автоголот на Леите во 25. минута, своја феноменална партија имаше Гираси кој постигна четири голови во 40, 75, 80 и 83 минута, а во листата на стрелците се запиша и Максимилијан Баер во 89. минута.

Борусија Дортмунд е на 10. место со 32 бода, а Унион Берлин е на 13. позиција со осум помалку.

Во следното коло Борусија гостува кај Сент Паули, додека Унион Берлин го пречекува Кил.

Во другите денешни мечеви: Борусија Менхенгладбах – Аугсбург 0:3, Кил – Баер Леверкузен 0:2, Мајнц – Ст. Паули 2:0 и Волфсбург – Бохум 1:1.