Екипата на Лос Анџелес Лејкерс минатата вечер претрпе пораз во натпреварот против Голден Стејт со 116-123, па така и остана на четвртото место на Западната конкуренција.

Натпреварот изгледаше како директна пресметка на Стеф Кари и Леброн Џејмс, а во третата четвртина кошаркарот на Голден Стејт постигна 13 поени, додека Лебрн на спротивната страна 12 од првите 14 поени за својот тим во овој период.

На крајот Леброн натпреварот го заврши со 33 поени, Кари со 37. Своја вечер немаше Лука Дончиќ кој постигна 19 поени, но ги промаши сите шест обиди за три поени и за првпат по две години одигра натпревар без постигната тројка. Серијата за словенечкиот кошаркар заврши со 114 натпревари во низа.

За издвојување од изминатата вечер е и што во сите шест натпревари победи славеа гостинските екипи:

Филаделфија – Милвоки 113-126

Вашингтон – Орландо 97-109

Бруклин – Минесота 90-105

Мајами – 108-110

Торонто – Портланд 103-112

ЛА Лејкерс – Голден Стејт 116-123