фото: EPA-EFE/ADAM DAVIS

ВИДЕО: Дончиќ и Ирвинг го предводеа Далас до третата победа и на чекор до НБА финалето

Кошаркарите Далас ја совладаа Минесота со 116:107 во третиот натпревар од финалето на Западната конференција и поведоа со 3:0 во серијата. Лука Дончиќ и Кајри Ирвинг ги предводеа домашните и сега само една победа ги дели Маверикси од големото финале во НБА лигата.

Далас дојде до триумфот со серија од 14:3. Во последните 12 минути екипите беа изедначени, а резултатот беше 87:87. На крајот од натпреварот Далас прави серија 14:3 и ја добива третата победа во низа.

Најефикасни кај Маверикси беа Дончиќ и Ирвинг со по 33 поени, а на спротивната страна Ентони Едвардс запиша 26 поени.

Играчите на тренерот Џејсон Кид ќе имаат можност да го обезбедат првото големо финале по 13 години ноќта меѓу вторник и среда (2:30 часот) во Тексас.

Ниту еден тим во историјата на НБА не успеал да обезбеди пласман понатаму по негатива од 3:0 во серијата. Само четири екипи успеаја да се изборат за седми натпревар, но на крајот сепак беа поразени.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот