Динамо Загреб во првото коло од групната фаза во Конференциската лига на домашен терен убедливо со 5:1 ја совлада Астана.

Во составот на хрватскиот шампион не беа македонските фудбалски интернационалци Аријан Адеми и Стефан Ристовски. Повратникот Адеми не е пријавен за натпреварите во Конференциската лига, додека овој меч го пропушти Ристовски кој во средата пред тренинг се пожалил на болки во мускул.

По првиот дел водеа „модрите“ со голот на Петковиќ од пенал во 43 минута, истиот играч во 53 минута од белата точка зголеми на 2:0, а за 3:0 се погрижи Булат (58`). За Астана единствениот гол беше дело на Ховханисјан (78`), а четвртиот гол на Динамо го постигна Марин (85`). Во листата на стрелците кај домаќините се запиша и Халиловиќ (90+3`).

? GOAL! Dinamo Zagreb 2-0 Astana

(53 Bruno Petkovic pen.)
pic.twitter.com/VgIkDxq1r8

— Mohsan (@MohsanLFC) September 21, 2023

?GOAL! Dinamo Zagreb 3-0 Astana

(58 Marko Bulat) pic.twitter.com/gf4ZxXxFY5

— OuiSports (@OuiSports) September 21, 2023

За тимот од Казахстан целиот меч го одигра нашиот интернационалец Алекса Амановиќ.

Косовскиот Балкани загуби минимално на гостувањето кај Плзен (1:0), а Чесите дојдоа до бодовите во 73 минута преку Калвах.

Едно од најголемите изненадувања летово во новата европска сезона, Клаксвик од Фарски Острови водеше од 49 минута со голот на Павловиќ, но Слован Братислава не дозволи изненадување и успеа да направи пресврт (2:1). Словаците најпрвин израмнија во 54 минута преку Вајс, а асистентот на тој погодок Чавриќ го постави конечниот епилог во 74 минута. Асистент на вториот гол беше екс членот на Вардар, Тигран Барсегјан.

Во другите мечеви од првото коло во Конференциската лига: Клуб Бриж – Бешикташ 1:1, Зорја Луханск – Гент 1:1, Лугано – Бодо/Глимт 0:0, Макаби Тел Авив – Бреидаблик 3:2.